Vakil-az.com
Məktəb rəhbərliyi və müəllimlər uşağımı intizamsızlıq səbəbilə xüsusi otaqda tək qoyub “cəzalandırırlar”. Uşağın psixoloji təzyiq yaşadığını düşünürəm. Bu metod qanunvericiliyə əsasən düzgündürmü, yaxud psixoloji zərər yetirə biləcək dərəcədədirsə hansı addımları ata bilərəm? Ümumiyyətlə, təhsil qanunlarına görə müəllimlərin və məktəbin cəza vermə səlahiyyəti nə dərəcədə məhduddur?
Təhsil qanunvericiliyində uşağın məktəbdə fiziki və ya psixoloji cəzaya məruz qalması qadağandır. Uşağa qarşı hər hansı məhdudlaşdırıcı və incitmə xüsusiyyətli “cəza” tətbiqi qanunsuz sayılır. Belə hallarda məktəb rəhbərliyinə yazılı şikayət etməli, nəticə alınmazsa rayon (şəhər) təhsil şöbəsinə və Təhsil Nazirliyinə müraciət etməlisiniz. Əgər davranış ciddi zərər və psixoloji təzyiqə səbəb olursa, məhkəməyə və ya prokurorluğa da müraciət mümkündür.