Vakil-az.com
Bankla istehlak krediti üzrə müqavilə imzalamışam, faiz dərəcəsi isə çox yüksəkdir. Sonradan başa düşdüm ki, ödənişlərim həddən artıq yük yaradır. Bankla yenidən danışaraq faizi azaltmağını istəyirəm. Bu hüquqi baxımdan mümkündürmü və hansı şərtlər altında faiz dərəcəsində dəyişiklik əldə edə bilərəm? Bank imtina etsə, məhkəməyə müraciət etməyə dəyərmi?
Azərbaycanda bank faizləri bazar prinsiplərinə və tərəflərin razılaşmasına əsaslanır. Müqaviləni imzaladıqdan sonra faiz dərəcəsini bank birtərəfli olaraq azaltmağa borclu deyil. Amma müəyyən maliyyə çətinlikləri varsa, restrukturizasiya üçün banka müraciət edə bilərsiniz. Bank imtina edərsə, məhkəməyə getmək hüququnuz var, lakin yüksək faiz sadəcə razılaşdırılmış ticari şərt olduğundan qanuni əsas olmadan məhkəmə faizi yenidən müəyyən etməyə həmişə getmir. Ən yaxşı yol, bankla yazılı şəkildə danışıqlar aparıb ödəmə planını yüngülləşdirmək və ya faiz endirimi almaq üçün razılaşma əldə etməyə çalışmaqdır.