Vakil-az.com
3 ay istifadə etdiyim qulaqcığın mikrofonu işləməkdən qalıb. Satıcı ‘mexaniki zədədir, zəmanətə girmir’ deyib baxmadan imtina edir. Necə isbat edim ki, mən vurub qırmamışam?
Qanuna əsasən, qüsurun yaranma səbəbi istehlakçının səhv istifadəsi yox, istehsal və ya material nöqsanıdırsa, zəmanət dövründə təmir ödənişsiz aparılmalıdır. Satıcı qüsurun istifadəçilə bağlı olduğunu iddia edirsə, mütəxəssis rəyi ilə bunu sübut etməlidir. Əgər heç araşdırma aparmadan imtina edirlərsə, Antiinhisar və İstehlak Bazarına Nəzarət Xidmətinə yazılı şəkildə şikayət edə və ya müstəqil ekspertiza təyin etdirə bilərsiniz. Nəticəyə əsasən məhkəməyə də müraciət etmək hüququnuz var.