Vakil-az.com
Mən kənd təsərrüfatı ilə məşğul olmaq, öz fermer təsərrüfatımı qurmaq istəyirəm. Lakin bunun üçün hansı rəsmi prosedurları keçməli, hansı hüquqi addımları atmalıyam? Müəyyən qeydiyyat tələbləri, vergi öhdəlikləri, subsidiya və dəstək programları varmı? Habelə fermer təsərrüfatı qurduqdan sonra istehsalın, satışın, ixracın hüquqi aspektləri barədə nələrə diqqət yetirməliyəm?
Fermer təsərrüfatı qurmaq üçün ilkin olaraq fəaliyyət istiqamətinizi dəqiqləşdirməli, Vergi Məcəlləsinə uyğun VÖEN açmalı, lazım olduqda bələdiyyədən və ya müvafiq icra qurumlarından torpaq icarəyə götürməli və yaxud sahiblik hüququ əldə etməlisiniz. Aqrar sahədə qeydiyyatdan keçərək Kənd Təsərrüfatı Nazirliyinin subsidiya programlarına müraciət edə bilərsiniz. Eyni zamanda, məhsulun daxili bazara çıxarılması, sertifikatlaşdırma, ixrac üçün fitosanitar və baytarlıq icazələri kimi tələblərə riayət etmək vacibdir. Fermer təsərrüfatı adınızı rəsmi qeydiyyata saldırmaq isə gələcəkdə hüquqi mübahisələrdən qoruyur.