Vakil-az.com
Turizm agentliyinin vasitəsilə mehmanxana rezervasiyası etdim, amma orada qeyd olunan şəraitin bir çoxu reallıqda mövcud deyil. Məsələn, otaqların təmizliyi, yemək keyfiyyəti, əlavə xidmətlərin yoxluğu. Belə olan halda mənim hüquqlarım nələrdir və kimə müraciət etməliyəm?
Oteldə müqavilə ilə razılaşdırılmış xidmətlər faktiki təmin edilməzsə, siz bu barədə əvvəlcə otelin inzibatçılarına yazılı surətdə iradınızı bildirməlisiniz. Problemin həlli mümkün olmayanda turizm agentliyinə və ya tur operatoruna da şikayət edə bilərsiniz. Qanunvericiliyə görə, paket turlarda tur operatorun əsas məsuliyyəti var. Əgər məsələ həll olunmazsa, Turizm Dövlət Agentliyinə və ya istehlakçı hüquqlarını qoruyan müvafiq qurumlara şikayət ünvanlamaq mümkündür. Ayrıca məhkəməyə müraciət etməklə də maddi və ya mənəvi zərərin ödənilməsini tələb edə bilərsiniz.