Vakil-az.com
İnternetdə turist turu satan birisi ilə danışdım, pulu əvvəlcədən köçürdüm. Şirkət olmadığını sonradan başa düşdüm. Qeydiyyatsız, icazəsiz fəaliyyət göstərir, sonda turu təşkil etmədi. İndi pulum getdi. Hara şikayət edə bilərəm?
Belə hallarda əvvəlcə lazımi dəlilləri (ödəniş qəbzi, yazışmalar və s.) toplayıb hüquq-mühafizə orqanlarına (polisə) müraciət edə bilərsiniz. Bu, fırıldaqçılıq kimi qiymətləndirilə bilər. Digər tərəfdən istehlak qanunvericiliyi baxımından, satıcı kimi çıxış edən şəxsin rəsmi qeydiyyatı yoxdur, belə olduqda mülki mübahisə ilə bərabər cinayət işi də açıla bilər. Əlavə olaraq bankınızdan da köçürmənin geri qaytarılmasını soruşa bilərsiniz, ancaq nəticə ödəniş yolu və sənədlərə bağlıdır.