Vakil-az.com
Cinayət işində şübhəli şəxs qismində dindirilərkən bəzi suallar var ki, onların cavabını vermək istəmirəm. Məsələn, özümü ittiham edəcək ifadə verməkdən çəkinirəm. Bu halda istintaqçı israr edirsə nə etməliyəm? Mənim susma hüququm varmı və bu hüququ həyata keçirsəm, ziyanı ola bilərmi?
Azərbaycan Cinayət Prosessual qanunvericiliyi üzrə şübhəli və ya təqsirləndirilən şəxsin susma hüququ mövcuddur. Bu, öz əleyhinə ifadə verməmək prinsipindən irəli gəlir. Qanun sizi hər bir suala cavab verməyə məcbur etmir. Əgər istintaq orqanları hansısa sual verirsə və bu, sizi birbaşa ittiham edə bilərsə, cavabdan imtina edə bilərsiniz. Bunun cinayət prosesində sizin üçün mənfi nəticə doğurması qanuni deyil. Vəkilinizin iştirakı ilə susma hüququnuzu necə icra edəcəyinizi aydın şəkildə müəyyən edə bilərsiniz.